تعليقا علي أزمة عمال المحاجر.. صحفية لمحافظ الشرقية: إشمعني انت إللي بتعمل في أهل محافظتك كده

0 895

وجهت الصحفية آمال ربيع بمؤسسة أخبار اليوم خطابا شديد اللهجة إلي محافظ الشرقية اللواء خالد سعيد، وذلك تعليقا علي أزمة عمال المحاجر بالشرقية ، والذين أصدر المحافظ قرارا بتخفيض رواتبهم لما يقرب من النصف.

وسألت ربيع المحافظ “إشمعني حضرتك إللي بتعمل كده في أهل محافظتك” مستنكرة قرار المحافظ والذي جعل عمال المحاجر يعتصمون للمرة الثانية أمام مبني ديوان عام محافظة الشرقية لمدة ثلاثة ايام قبل أن يقوم الأمن بفض إعتصامهم.

جاء ذلك عبر حساب الصحفية آمال ربيع الشخصي علي موقع التواصل الإجتماعي فيسبوك وقالت فيه:

“سيادة محافظ الشرقية الجليل
اتحدث اليك وانا احد الصحفيات المطبلاتية للك كم يطلق علينا البعض
سيادة اللواء اغمض عينيك لحظة بل برهة من الوقت وتخيل نفسك تعمل ولا سمح الله ( والعين متعلاش على الحاجب ) لكن انا بقول تخيل انك تعمل فى مشروع المحاجر او اى مشروع اخر ::::: وفجأة وبدون مقدمات حد حرمك من قوت يومك بلاش الاكل : مثلا لقيت محضر او موزع بريد بيخبت على بيتك علشان يعلنك بأن البنك رفع عليك قضية لعدم سداد القرض اللى انت جوزت بيه بنتك او فرشت عش زوجية لابنك :: او تخيل حد بيطلبك بالجمعية اللى عملتها مع زمايلك فى الشغل واشتريت بيها لبس لاولادك فى العيد وكما علشان تدفعها لدروسهم وجاء معاد قبض مرتبك ومفيش مرتب :::
هو فعلا مفيش مرتب علشان حد خده منك بس سبلك حتة صغيرة منه مش تكفى عيش حاف انا معاك مش لازم الاكل بس بلاش الحبس
سيادة اللواء المبجل مش تستغرب من كلامى لان سيادتك لايخفى عليك حاجة وتعلم دبة النملة فى الشرقية وتعلم تماما اننى ممن يطلق عليهم مطبلاتية المحافظ .
بس تصدق حضرتك وبدون حلفان انا بكيت بدموع اول امبارح وانا شايفة الناس نايمة ويفترشون الارض امام باب ديوان عام محافظتك ويحوطهم قوات من الامن
بكيت وانا شايفة بعضهم جايب قرطاس طعمية علشان يتعشى الساعة واحد بعد نص الليل :::::
عموما بعد فتح عينيك اتمنى تكون شعرت بأوجاع مئات الاسر اللذين لاتغفل لهم عين بعد استيقظهم على قرار حضرتك المفزع بخصم مرتبهم كله لكن الحق يقال وهم كمان بيقولوا انك سبتلهم الربع عموما ( احسن من مفيش خالص ) وزى لما بيقول المثل ( ربع العمى ولا العمى كله )
ودلوقتى انا لية سؤل عند حضرتك ؟؟؟؟
ممكن اسرة تعيش بألف جنيه حتى لو كان رجل ومراته ومفيش عيال خالص
هو طبعا ممكن يدبروا امورهم
يسكن بعشرة جنيه // ويركب موصلات بعشرة جنيه /// ويجيب علاج يعنى مثلا حاجة للصداع او البرد بعشرة والباقى يقسمه على الاكل كل يوم 2 جنيه
من فضلك ياسيادة المحافظ
ارحمهم ربنا يرحمنا جميعا
وكمان لية سؤال تانى ؟؟؟؟
اشمعنى حضرتك اللى عملت كدة فى اهل محافظتك دون عن المحافظات الاخرى وهل دى سياسة دولة على الشراقوة بس انا بقول يمكن يكون ( فى تار بينهم وبين حد من المسؤلين لا سمح الله )
وهو الرئيس السيسى اللى بيوصى على المواطن الغلبان البسيط يرضيه اللى بيتعمل فيه .كدة”.

 

Comments

comments

يمكنك ايضاً قراءة المزيد لنفس الكاتب

Comments

تحميل...