محافظ الشرقية في مدرسة طلبة عويضة.. ومواطنون: اغلقت نفق أبو حسين وانت جوا المدرسة.. هي الناس هاتاكلك؟

0 246

 


علي الصفحة الرسمية لمحافظة الشرقية عبر بعض المواطنين عن سخطهم من إغلاق الطرق المؤدية من المحافظة وحتي مدرسة طلبة عويضة صباح اليوم أثناء زيارة محافظ الشرقية للمدرسة في بداية العام الدراسي الجديد.

حيث حضر المحافظ طابور الصباح مع الطلبة والحصة الأولي والتي جاءت عن الموطنة.

وجاءت التعليقات كالتالي:

عبد العاطى محمد

بس نفسنا يا سيادة المحافظ – كما عهدنا بك – زيارات نارية غير مرتبة لقرى ونجوع شمال الشرقية وستجد ما لا يسرك وستعود بحزمة من القرارات المصصحة للاوضاع المقلوبة والفشل الادارى والتستر واشياء اخرى اتمنى

 

 

Elhosary Mahmoud

بسبب زيارة المحافظ اغلق طريق نفق ابو حسين مما ادى الى تكدس مرورى .وانا واحد من الناس رايح شغلى متاخر ساعة . يعنى الناس هتكللك علشان تقفل شارع حيوى زى دة .

وبعدين انتا جوة المدرسه قافل الطريق من قبل الكوبرى؟

دا ايه دة ما تحسو بالناس بقى علشان تعمل حاجه كويسه تقرف آلاف فى عيشتهم

 

 

عبد العاطى محمد

فيه مدارس كتير عبارة عن حظائر للمواشى وبدون مياه او صرف الصحى وقضاء الحاجة فى العراء

نفسنا تزورها لان احنا بصراحة فى جنوب الشرقية مدلعين

 

أمل غانم

جميل والله
ومن الوطنية برضه يا سيادة المحافظ لما تكون بتحضر افتتاح في اولاد صقر تحضر علي الأقل دفنة الشهيد او تعزي أهله ما كانش هيأخد منك وقت مش حصة كاملة

انتم فقعتوا المنطق آه والله 

 

 

حسام كمال

عام دراسي سعيد إنشاء الله
إدارة غرب الزقازيق عروس إدارات المحافظة

 

 

ايهاب البيلى

رايح طلبه عويضه
طيب روح المدارس التعبانه الغير مؤهله للحيونات مش للبنى ادمين

فصول بدون مقاعد ولا أنوار ولا حتي حطان ولا حوش ينفع حظيره

 

 

Hanan Fahmy

طريق ميت ابو عربى قام المقاول بكشط الرصف القديم وأصبح الطريق أسوأ من الأول وتوقف عن الرصف وترك الطريق متكسر

نرجو من معاليكم التوجيه بسرعة الإنتهاء من الرصف

 

 

أحمد النشوقي
مدارس «الحوض الطويل» بمنيا القمح خالية من الطلاب.. والأهالي يهددون بوقفات احتجاجية.. صور

 

 

Hessein Eldiarby

الله عليك يامصر مدارسنا تطورت وبقي فيها سجاد احمر

 

 

سلوى كحيل

طب مدرسة فى الشرق طيب

 

 

Daat Aalb

وفارشينلك الريد كاربت ياسلام

 

 

Mohamed Fouad

تحياتي ليك وللمواطنه

 

 

ام مهتدي

الثانويه بنين ابو كبير موقع فشل لا يوجد فيها اي تعليم

 

Comments

comments

يمكنك ايضاً قراءة المزيد لنفس الكاتب

Comments

تحميل...