من أول كتاب حياتي يا عين حتي اه لو لعبت يا زهر: أكثر المطربين كآبة في مصر

0 153

 

علي الرغم من أن الشعب المصري معروف أنه ” ابن نكته” الا أن التغيير الواضح علي سلوكيات الشعب منذ فترة لا أحد يعرف بالتحديد أسبابه.
كل ما عليك أن تفعله هو أنك تركب أي مواصلة عامة.. سيرفيس أو مكروباص أو توكتوك.. حتي تجد أكثر شعوب الأرض كآبة وحزنا.. وتجد كل أنواع المشاكل والمآسي من أول حبيتي ماتت مرورا بكتاب حياتي يا عين ما شفت زيه كتاب الفرح فيه سطرين والباقي كله عذااااااااااب وانتهاءا بغدر الصحاب.. وما بينهم من عقوق الأولاد وخيانة الحبيبة وغدر الأهل وغيرها من المآسي التي تجعلك تفكر في ترك الحياة كلها.
وأشهر المطربين الذين جاءت أغانيهم تروي قمما من المشاكل والمآسي:

 

هاني شاكر

أمير الغناء العربي “هاني شاكر”
أمير الغناء العربي هاني شاكر، بلا استثناء قمة في الأغاني الحزينة، أمير اليأس العربي بلا منازع، هاني شاكر بدأ بدايات مفرحة أول واحد عمل عيد ميلاد لجرحه
أشهر الأغنيات: الحلم الجميل – سبتيني ليه؟ – جرحي أنا.

 

محمد محيي

محمد محيي:
عميد عمداء نكد التسعينيات، أحد أكثر المغنيين تميزا، مفيش ف أغانيه حاجة مفرحة واحدة، مع ذلك جمهوره عريض، اكبر من جمهور عمرو دياب
أشهر الأغنيات: مظلوم – ولا حاسس بأمان – شباب رخصته – احساس بشع وباقي اغانيه

 

تامر عاشور

 

تامر عاشور:
معشوق المراهقين الأول، نجم الشباب بدأ بداية قوية جدا من عالم النكد، كان ملحن مفرح بس بقي مغني نكدي ؛ كل أغنياته قمة في الحزن واليأس والاحباط
أشهر الأغنيات: ذكريات كدابة “التوزيع القديم” – هاجي علي نفسي – انتا اخترت

 

مصطفي كامل

 

مصطفي كامل:
ملك الميكروباصات، نقيب الموسيقيين الأسبق، خير من يمثل الأغنية المصرية في عهدها الحالي، كل أغانيه بلا استثناء نكد، أغاني سواقين المكروباصات المفضلة
بيكتب وبيلحن الأغنيات لنفسه، فالأغنيات بتخرج بمفردات شبهه، وألحان شبهه، بتلاقي كلمات زي “جيتلك ماشي عايم في بحرك الغريق”
وجمل تانية زي “أحلامنا كانت شيطان، عايش بين أربع حيطان، أتاريني بضحك عليا، علي طول مغمض عينيا”
وغيرها وغيرها من الجمل الي استحالة تطلع من حد غير الزعيم “مصطفي كامل”
الطبقة المستهدفة م النكد: طبقة دنيا – طبقة تحت متوسطة.
أشهر الأغاني: ح أدوس علي قلبي – أقوي من الأيام – رحلة عمري.

 

رمضان البرنس

رمضان البرنس:
رغم عمره الفني القصير إلا ان رمضان البرنس قدر يحفر اسمه ف جدار النكد الشرفي، عمل أغنيات عظيمة زي “عودي” والجزء التاني بتاعها “عودي” وأغنية “الأم” ومووايل عديدة بتتكلم عن غدر الصحاب والزمن.
رمضان البرنس للأسف نهايته كانت مأساوية جدا زيه، توفي في حادثة عربية مع عيلته، بعد شهرة قصيرة جدا، وصوت أجمل ما يكون، محدش بيفتكره غير ب”عودي” و”ارجعي”.
أشهر الأغاني: عودي – ارجعي – الأم.

 

طارق الشيخ

طارق الشيخ:
عمرو دياب الأغنية الشعبية، الأب الروحي لسعد الصغير، الراجل اللي بيهز الوسط الشعبي كله بأغنية واحدة من غير ما يتحرك من مكانه، صاحب الحكمة الأشهر “جينا الحياة علي عجل، ومروحين علي عجل”، صاحب “دقيقة حداد” و “اجرح” و “بدور عليكي” اللي حبيبته هربت منه فيها وقالها “بدور عليكي ف كل سكة وكل شارع، مش عاوزة ليه ترجعي؟” .
أشهر الأغنيات: اجرح، دقيقة حداد، كفي نفسك، وغيرهم.

 

حسن الاسمر

حسن الأسمر:
عميد لاعبي الأغنية الشعبية، المكتسب لقبه وصفته من لون بشرته، أغانيه تميزت بكآبة شديدة جدا وأول من حكي مآسي للناس
أشهر الأغنيات: كتاب حياتي – سألوني – سألو العذاب.

 

احمد شيبة

أحمد شيبة:
اللي قارفنا في التكاتك والميكروباصات، اللي الزهر لعب معاه هو لوحده، ولازم يتبخر ويخمس عشان العين، اللي أسيادنا راضيين عليه “أحمد شيبه”، ميزة أحمد شيبه انه راجل علي قديمه، مغني تقليدي، بيغني أحزن الأغنيات وأكثرها سوداوية في الأفراح! وده شئ لا مبرر له علي الاطلاق
أشهر الأغنيات: انا مش هفيه – اللي مني – اه لو لعبت يا زهر.

 

Comments

comments

يمكنك ايضاً قراءة المزيد لنفس الكاتب

Comments

تحميل...