كل يوم وصفة مع الشيف وفاء حسني وصفة اليوم: الزبادي البيتي

0 331

 

تقدم الشرقية بوست وصفات منزلية الصنع بالإشتراك مع مدام وفاء حسني

كل سنة وحضراتكو طيبين النهاردة بقدم لكم الزبادي البيتي

كل بيت في رمضان لازم الزبادي في السحور . خصوصا في الحر ده

ومع ارتفاع الأسعار الكبير ده . وحرصا مننا علي انك توفري بنقدم لك كيفية عمل الزبادي في البيت ومش هاتصدقي سهولته ورخص سعره

المقادير :

كيلو لبن حليب من مكان مضمون

كوب زبادي بلدي نستخدمه كخميره

الطريقة :

اغلي اللبن واتركيه يبرد حتي يبقي دافي

قلبي كوب الزبادي جيدا ثم ضيفيه إلي اللبن

اضربيه مع بعض بالمضرب السلك او اضربيهم في الخلاط

وتكوني مسخنه الفرن لمدة خمس دقائق ثم تطفيه

صبي الخليط في القوارب الفخار

دخليهم الفرن وهو مطفي

واتركيه من خمس إلي ست ساعات

ويبقي عندك زبادي بيتي روعه

ولو حابه تعملي زبادي دايت اغلي اللبن وبيتيه في التلاجه وخدي وش اللبن من عليه ودفيه واعملي نفس الخطوات السابقة

وبالهنا والشفا

مع تحياتي

 wafaahosny

 

Comments

comments

يمكنك ايضاً قراءة المزيد لنفس الكاتب

Comments

تحميل...